Туриннинг «Ювентус» клуби ярим ҳимоя чизиғини кучайтириш вариантларини кўриб чиқмоқда. Transfer News Live Calciomercato'га таяниб хабар беришича, «бианконери»нинг асосий нишонларидан бири — «Манчестер Сити» юлдузи Бернарду Силва. Бу ҳақда euro-football.ru хабар беради.
Манбага кўра, португалиялик футболчи ёзда эркин агентга айланиши мумкин: унинг «Манчестер Сити» билан амалдаги шартномаси июн охиригача мўлжалланган.
Силванинг «Ювентус»га эҳтимолий кўчиши ҳақидаги гап-сўзлар аввал ҳам бир неча бор янграган. У «шаҳарликлар» сафида 2017/2018 йилги мавсумдан бери тўп суриб келади.
«Манчестер Сити» бош мураббийи Хосеп Гвардиола жума кунги матбуот анжуманида Бернарду Силванинг келажаги бўйича ҳозирча аниқ маълумотга эга эмаслигини айтди.
Бу ёз Бернарду Силва 32 ёшга тўлади.
“Zamin”ни Telegram'да ўқинг!
