"Манчестер Сити" бош мураббийи Хосеп Гвардиола қанот ҳужумчиси Савио жароҳатдан сўнг сафга қайтаётгани борасида янгилик берди. 21 ёшли футболчи январ бошидан бери шикаст сабаб майдонга тушмай келаётганди. Бу ҳақда euro-football.ru хабар беради.
Гвардиоланинг айтишича, Савио Англия кубогидаги "Солфорд"га қарши ўйинда бир неча дақиқага майдонга тушиши мумкин эди, бироқ мураббийлар штаби таваккал қилишни истамаган. У сўнгги машғулотларда футболчининг ҳолати анча кўтарилганини алоҳида таъкидлаб, унинг жамоа билан икки кун аввалги тренингдаги ўйини жуда юқори даражада бўлганини айтди.
Шанба куни "шаҳарликлар" Англия кубоги 4-босқичида "Солфорд Сити"ни 2:0 ҳисобида мағлуб этди. "Манчестер Сити"нинг навбатдаги учрашуви 21 феврал куни АПЛ доирасида бўлиб ўтади, рақиб — "Ньюкасл".
“Zamin”ни Telegram'да ўқинг!
