Клопп агенти қизиқишлар ҳамон давом этаётганини айтди

Юрген Клоппнинг агенти Марк Косицке немис мутахассисининг кейинги фаолияти борасида турли вариантлар бўлганини эслатди. 2023/24 йилги мавсум якунида “Ливерпул”даги ишини якунлаган Клопп ҳозирда Red Bull тизимида футбол йўналиши бўйича глобал раҳбар сифатида ишламоқда. Бу ҳақда euro-football.ru хабар беради.

Косицке Transfermarkt’га берган интервьюсида Клопп Red Bull’га келишидан аввал АҚШ ёки Англия терма жамоасини бошқариши мумкин бўлганини таъкидлади. Унинг сўзларига кўра, агар Германия терма жамоаси бош мураббийи лавозимида Юлиан Нагельсманн бўлмаганида, бу йўналиш ҳам эҳтимолдан холи эмас эди. Шунингдек, “Челси” ва “Манчестер Юнайтед”дан таклифлар бўлган, гарчи Клопп Англияда бошқа клубни бошқармаслигини аниқ билдирган бўлса-да. Агентнинг қайд этишича, бундай мурожаатлар ҳануз тўхтагани йўқ.

Клопп “Ливерпул”ни 2015 йил октябридан 2024 йил майигача бошқарган. Унинг қўл остида “қизиллар” узоқ танаффусдан сўнг Англия чемпионлигини қўлга киритди, УЕФА Чемпионлар Лигаси финалига уч марта чиқди ва бир бор турнир кубогини ютди.

Sardor Ergashev

«ZAMIN.UZ» муҳаррири