ЦСКА собиқ бош мураббийи ва Россия терма жамоаси билан ҳам ишлаган Валерий Газзаев терма жамоанинг Мали билан ўртоқлик учрашуви ўтказиши мумкинлиги ҳақида фикр билдирди. Мазкур баҳс жорий йил март ойида бўлиб ўтиши эҳтимоли бор. Бу ҳақда euro-football.ru хабар беради.
Газзаевнинг таъкидлашича, Россия футбол иттифоқи рақиблар муносиб даражада бўлиши учун барча имкониятларни ишга солмоқда. У Мали терма жамоасининг рейтинги юқори экани, таркибида сифатли футболчилар борлигини қайд этиб, ҳозирги чекловлар шароитида бу жамоа жиддий рақиб бўлишини айтди.
Мали FIFA рейтингида 54-ўринда турибди. Мали терма жамоаси мураббийи Том Саинфит эса яқиндаги интервьюсида учрашув масаласи бўйича музокаралар бўлганини тасдиқлаган, бироқ ўйин ўтказилишига ҳали тўлиқ ишончи йўқлигини билдирган.
“Zamin”ни Telegram'да ўқинг!
