ОАВ: Криштиану Роналду эгизакларга ота бўлади

«Реал» ҳужумчиси Криштиану Роналду тез вақтлар ичида яна ота бўлади, бу сафар эгизакларга. The Sun таблоиди 32 ёшли футболчининг оиласига яқин манбага асосланиб хабар қилишича, бу сафар у эгизакларга оталик қилади.

АҚШда истиқомат қилувчи суррогат она ҳозирда футболчининг фарзандларини қорнида кўтариб юргани ва у яқин вақт ичида португалиялик футболчи учун эгизакларни дунёга келтириши айтилган.

«Криштиану оиласининг янги аъзоларини сабрсизлик билан кутмоқда. У шахсий ҳаёти ҳақидаги янгиликларни ошкор этишни истамайди, аммо у эгизаклар тез орада туғилиши ҳақида яқинларига айтган. У фарзандлар тарбияси билан шуғулланиш вақти келганини ҳис қилмоқда», — дейилган хабарда.

Айни вақтда ушбу бадавлат футболчининг 6 ёшли ўғли бор ва у ҳам суррогат онадан дунёга келган. «Замин»ни Telegram’да ўқинг!