Пауло Дибала “Ювентус”да Криштиану Роналду билан бирга тўп сурган даврларини эслаб, португалиялик юлдузнинг жамоа ичидаги одатлари ва характери ҳақида фикр билдирди. Бу ҳақда euro-football.ru хабар беради.
Аргентиналик ҳужумчининг айтишича, Роналду кундалик тартибга темир интизом билан амал қилган: у эрталаб 8–9лар атрофида келиб, кетгунига қадар машғулот залида, массажда, физиотерапияда, совуқ ванна ва саунада, овқатланиш режимида бўлган. Дибала Роналду ҳеч бир майда детални ҳам эътибордан четда қолдирмаслигини, унинг бутун диққати айнан шу ишга қаратилганини таъкидлади.
Шунингдек, Дибала машғулотларда ҳам Роналду ютқазишни умуман ёқтирмаслигини, нимада бўлишидан қатъи назар мағлубиятни қабул қилолмаслигини айтди. Майдон ташқарисида эса у ёқимли жамоадош бўлиб, жамоа билан бемалол мулоқот қилгани, умумий кечки овқатларда қатнашгани ва турли мавзуларда суҳбатлашиш мумкин бўлганини қайд этди. Дибаланинг сўзларига кўра, Роналду мате ҳам ичган, баъзан ўзи билан перулик термоси ва катта идишда ичимлик олиб келган, бу ҳолатлар эса аргентиналик футболчига кулгили туюлиб, у дўстона ҳазиллашиб турган.
Ҳозирда Пауло Дибала “Рома” шарафини ҳимоя қилмоқда, Криштиану Роналду эса “Ал-Наср” сафида ўйнамоқда.
“Zamin”ни Telegram'да ўқинг!
