Январ ойида «Барселона» кўпчилик сезмаган бўлса-да, ёқимсиз йўқотишга учради: клубнинг «Кантера»даги 17 ёшли истеъдоди Дио Фернандес жамоани тарк этди. Уни Парижнинг «ПСЖ» клуби 6 миллион еврога сотиб олди. Бу ҳақда euro-football.ru хабар беради.
Бу сумма ёмон эмас, бироқ каталонлар футболчига катта умид боғлаган эди. Энди у келажакда қайтадиган бўлса ҳам, бошқа мақомда ва анча қиммат нархда қайтиши мумкин. Ахир «Барселона» ўйинчиларни кейин бошқа клубдан қайта сотиб олиш учун тарбияламайди.
Шу сабаб клуб раҳбарияти бундай ҳолатлар такрорланмаслиги учун чора изламоқда. Натижада ёш футболчилар билан шартнома тузиш қоидалари кескин янгиланиши эҳтимоли бор.
Sport нашри хабарига кўра, «Кантера» ўйинчилари бўйича товон пули (виқуплов) 6 миллиондан 8 миллион еврогача оширилади. «Барселона B» футболчилари учун эса энг кам кўрсаткич 10 миллион евро бўлади, футболчи асосий жамоада бир неча учрашув ўтказса, бу сумма 25 миллион еврогача кўтарилиши ҳам мумкин.
Шу нуқтаи назардан «Барселона» асосий жамоа ўйинларида ёшлар — Томми Маркес ва Хуан Эрнандесга имконият беришга шошилди. Майдондаги бир неча дақиқа ҳам уларни «атиги» 6 миллионга олиб кетиш имконини деярли йўққа чиқаради.
“Zamin”ни Telegram'да ўқинг!
