«Интер» ҳужумчиси Лаутаро Мартинес жамоасининг сўнгги ўйинида жароҳат олди. Журналист Эстебан Эдулнинг маълум қилишича, аргентиналик футболчида болдир мушагининг иккинчи даражали чўзилиши аниқланган. Бу ҳақда euro-football.ru хабар беради.
Тахминларга кўра, Мартинес тахминан 18 кун ичида тикланиб, майдонга қайтади. Бу эса унинг Аргентина терма жамоаси сафида Испанияга қарши ўтадиган Финалиссима учрашувига тайёр бўлишини англатади.
27 март куни Аргентина ва Испания Финалиссимада соврин учун баҳс олиб боради. Унда Америка Кубоги амалдаги соҳибӣ ҳамда Европа чемпиони ўзаро тўқнаш келади.
Айни вақтда «Интер» Италия А Сериясида пешқадам. Иккинчи ўриндаги «Милан» эса етти очко ортда бормоқда. «Интер»нинг навбатдаги учрашуви 21 феврал куни «Лечче»га қарши бўлиб ўтади.
“Zamin”ни Telegram'да ўқинг!
