"Манчестер Юнайтед" ҳимоячиси Диогу Далот жамоа ҳужумчиси Бенямин Шешко билан бўлган суҳбат тафсилотларини ошкор қилди. Бу ҳақда euro-football.ru хабар беради.
Далотнинг айтишича, у Шешкога шундай деган: "Биласанми, нима бўлади? Битта гол урсанг, ОАВ сени кейинги мавсумнинг энг зўр ҳужумчиси деб ёзади. Шундай бўлса, эртаси куни ҳам ўша оддий йигитлигингча қолишинг керак". Бу фикрларни у Рио Фердинандга берган интервьюсида билдириб ўтди.
Шешко ўтган ёзда "Манчестер Юнайтед" сафига қўшилган. Шу пайтгача у барча турнирларда 23 та учрашувда майдонга тушиб, 7 та гол урди ва 1 та голли узатма муаллифи бўлди.
23 февраль куни "қизил иблислар" АПЛнинг 27-тури доирасида сафарда "Эвертон" билан тўқнаш келади. Ўйин 01:00 да (Тошкент вақти билан) старт олади.
“Zamin”ни Telegram'да ўқинг!
