Аргентина футбол ассотсиатсияси (AFA) президенти Клаудио Тапиа ижтимоий бадаллар тўланмагани юзасидан олиб борилаётган иш доирасида прокуратурага сўроққа чақирилди. Бу ҳақда euro-football.ru хабар беради.
Ушбу ишда AFA ғазначиси Пабло Товигино ҳам гумондор сифатида тилга олинмоқда. Ҳуқуқ-тартибот идоралари ҳар икки мансабдорга мамлакатни тарк этишни тақиқлади.
Сўроқ 5 март куни бўлиб ўтиши белгиланган. Тергов материалларига кўра, давлат ғазнаси AFA томонидан тўланиши керак бўлган ижтимоий бадаллар бўйича 13 миллион доллар етишмовчиликни аниқлаган.
Шунингдек, Тапиа мулкида қайд этилган, вертолёт майдончасига эга 10 гектарлик қўрғон ҳам текширув эътибор марказида.
Прокуратурани футболчиларга бериладиган бонуслар миқдори ҳам қизиқтирмоқда: маълумотларга кўра, бу кўрсаткич Тапианинг дунё бўйлаб парвоз харажатларидан ҳам паст.
“Zamin”ни Telegram'да ўқинг!
