Мюнхеннинг “Бавария” клуби фахрий президенти Ули Хёнесс Юрген Клоппнинг “Red Bull” тизимидаги фаолиятига муносабат билдирди. У собиқ “Боруссия” Дортмунд ва “Ливерпул” мураббийи ҳозир ўзига мос бўлмаган вазифани бажараётганини айтди. Бу ҳақда euro-football.ru хабар беради.
Хёнесс фикрича, Клопп жамоа бошқарувида, мураббийлар ўриндиғида бўлиши керак, дунё кезиб маърузалар билан юриш эса унинг услубига тўғри келмайди. “У футболчиларни руҳлантиришда жуда кучли. Юрген Зальцбургда ёки Бразилияда бўлиб турган пайтда “РБ Лейпциг”га қандай таъсир ўтказа олади?” — дея Хёнесснинг сўзларини Bild нашри келтиради.
Клопп мураббийлик фаолияти давомида “Майнц”, Дортмунднинг “Боруссия”си ва “Ливерпул”ни бошқарган. Немис мутахассиси 2024 йилда инглиз грандини тарк этган.
“Zamin”ни Telegram'да ўқинг!
