“Барселона” “Леванте” устидан кутилганидек йирик ҳисобда ғалаба қозониб, Ла Лигада яна биринчи ўринга кўтарилди ва “Реал”ни ортда қолдирди. Учрашувнинг яна бир хушхабари — жароҳатдан кейин Педрининг сафга қайтиши бўлди: у 66-дақиқада майдонга тушди. Бу ҳақда euro-football.ru хабар беради.
Бироқ бу сафар ҳал қилувчи ролни на Педри, на Ямал бажарди, Рафинья ва Левандовски эса голлар борасида жамоани олдинга торта олмади. Ғалабанинг асосий пойдевори бошқа футболчиларнинг ёрқин ўйини ва тизимли устунлик бўлди.
Ўйин протоколи шуни кўрсатди: “Барселона”нинг голлари 4-дақиқада Марк Бернал, 32-дақиқада Френки де Йонг ва 81-дақиқада Фермин Лопес томонидан урилди — 3:0. Шу тариқа каталонияликлар “Камп Ноу Спотифай”да (Тошкент вақти билан) рақибни тўлиқ назорат остида ушлаб, етакчиликни қайтариб олди.
Учрашувдаги энг кўзга кўринганлардан бири Фермин Лопес бўлди. Захирадан майдонга тушган ярим ҳимоячи қисқа вақт ичида ўйин ритмига таъсир кўрсатди: Ямал билан бир неча хавфли вазиятларни уюштиради ва бурчакдан узатилган тўпдан кейин чиройли гол урди. Муаллифлар баҳосига кўра, у 7,5 баллга лойиқ кўрилди.
Марк Бернал эса 8,0 балл олди. 4-дақиқадаги тезкор гол билан ҳисобни очган футболчи пасларда деярли хато қилмасдан ўйнади, майдон марказида ишончли ҳаракат қилди ва жамоанинг устунлигини бошлаб берди. Уни 66-дақиқада алмаштириш қарори эса савол уйғотди.
Жоау Канселу (8,5) “Барселона” ҳужумларининг асосий “двигатели” бўлди: у қанотдан тез-тез ёриб кириб, кескин узатмалар берди, бир нечта голли вазият яратди ва Де Йонгнинг голида ассист қайд этди. Аниқроқ якунлаш бўлганида, Канселунинг статистикасида яна ҳам кўпроқ натижа кўриниши мумкин эди.
Френки де Йонг (8,5) эса Канселунинг узатмасини бир тегинишда голга айлантириб, жамоанинг иккинчи голини урди. У майдон марказида ўйинни бошқарди, кўплаб аниқ паслар билан темпни назорат қилди, прессингда ҳам фойдали ишлади ва деярли тўп йўқотмади.
“Zamin”ни Telegram'да ўқинг!
