«Арсенал» бош мураббийи Микел Артета «Тоттенҳэм»га қарши дербида 4:1 ҳисобидаги ғалабадан кейин журналистлар билан фикр алмашди. Бу ҳақда euro-football.ru хабар беради.
«Канонирлар»нинг йирик ҳисобдаги зафари Виктор Дьо'кереш ва Эберечи Эзе қайд этган дубллар эвазига таъминланди. «Шпорлар» сафида эса ягона гол муаллифи Рандал Коло-Муани бўлди.
Артетанинг айтишича, жамоа ўйинидан тўлиқ мамнун: «Биз жуда хурсандмиз ва кўрсатган ўйинимиздан фахрланамиз. Ташаббус бизда бўлди, сифатли ҳаракат қилдик ва натижага эришдик. Футболнинг гўзаллиги ҳам шунда. «Вулверҳэмптон»га қарши баҳсда нималар бўлганини эсланг. Мен футболчиларни ҳар куни кўраман ва улар қанчалик ғалабани исташини биламан», — деди у BBC Sportга.
Айни пайтда «Арсенал» АПЛ турнир жадвалида 61 очко билан пешқадам. Иккинчи ўриндаги «Манчестер Сити» бир ўйин кам ўтказган бўлса-да, лондонликлардан 5 очко ортда бормоқда.
“Zamin”ни Telegram'да ўқинг!
