Россиялик мураббий Валерий Непомнящий Камерун терма жамоаси билан ишлаган даврини эслаб, Россия — Мали ўртасидаги BetBoom ўртоқлик учрашуви олдидан фикр билдирди. Ўйин 27 март куни бўлиб ўтади. Бу ҳақда euro-football.ru хабар беради.
Непомнящийнинг таъкидлашича, терма жамоа ҳозирги изоляция шароитида деярли исталган рақиб билан ўйнашга мажбур ва бу вазиятда ҳар қандай оппонент Россия учун мақбул. У Малини мутлақ фаворит деб ҳисобламаса-да, баҳс осон кечмаслигини қайд этди. Мураббий техник жамоалар қаторига Сенегал ва Камерунни, инглиз услубига яқин жамоалар сифатида эса Гана ҳамда Малини мисол келтирди.
Маълумот учун, Мали FIFA рейтингида 54-ўринда бормоқда, Валерий Карпин бошқарувидаги Россия эса 36-поғонани эгаллаб турибди. Бу терма жамоалар аввал ҳеч қачон ўзаро учрашмаган.
“Zamin”ни Telegram'да ўқинг!
