Февраль ўрталаридан «Бавария»нинг асосий дарвозабони Мануэл Нойер жароҳат олиб, тахминан уч ҳафтага сафдан чиққанлиги айтилганди. Бироқ ҳолат ижобий томонга ўзгармоқда ва у режалаштирилганидан тезроқ майдонга қайтиши мумкин. Бу ҳақда euro-football.ru хабар беради.
Bild хабарига кўра, душанба куни Нойер дарвозабонлар мураббийи ҳамда реабилитация бўйича мутахассис билан бирга майдонда машғулот ўтказди. У ҳозирча мураккаб юкламаларни бажармаган, аммо тўп билан ишлагани тикланиш жараёни жадаллашаётганидан дарак беради.
Германияда Нойер Дортмунднинг «Боруссия»сига қарши учрашувдаёқ сенсацион тарзда майдонга тушиши мумкинлиги ҳақида гап-сўзлар юрибди. Жамоалар 28-февраль, шанба куни ўзаро тўқнаш келади.
Айни пайтда «Бавария» Бундеслигада пешқадам, иккинчи ўриндаги «Боруссия» эса ундан саккиз очкога ортда бормоқда.
“Zamin”ни Telegram'да ўқинг!
