Сўнгги ҳафталарда Килиан Мбаппе майдонга ноқулайлик билан тушиб келаётганди, энди эса бу ҳолат кучли оғриққа айланиб улгурган. Француз ҳужумчи «Реал»нинг яқин ўйинларини ўтказиб юборади, унинг қачон сафга қайтиши эса ҳозирча аниқ эмас. Бу ҳақда euro-football.ru хабар беради.
L’Equipe нашри Мбаппенинг соғлиғи билан боғлиқ вазият бўйича материал эълон қилди. Унда муаммо илдизида «Реал»нинг собиқ бош мураббийи Хаби Алонсо турган бўлиши мумкинлиги эслатиб ўтилади: журналистлар 2025 йилнинг сўнгги кунида ҳужумчида аниқланган жароҳатни ёдга олди.
Материалда таъкидланишича, тикланиш учун камида уч ҳафта керак бўлган. Шунга қарамай, Мбаппе Хаби Алонсонинг «дўстона босими» остида 11 кундан кейин машғулотларга қайтган. Муаллифлар фикрича, мураббий «Барселона»га қарши Испания Суперкубоги финалидаги эҳтимолий мағлубиятдан сўнг ўз лавозими хавф остида қолишини тушунган.
«Реал» 25 февраль, чоршанба куни «Бенфика»ни қабул қилади.
Мбаппенинг жароҳати жиддий экани айтилмоқда.
“Zamin”ни Telegram'да ўқинг!
