«Будё-Глимт» дарвозабони Никита Хайкин Норвегия фуқаролигини олганидан сўнг мамлакат терма жамоасида биринчи рақамга айланиши мумкин. Бу ҳақда euro-football.ru хабар беради.
Норвегиялик журналист Ян Петтер Салведт россиялик посбоннинг клубдаги ўйинларини юқори баҳолаб, у Чемпионлар лигасида ҳам ўзини жуда яхши кўрсатаётганини таъкидлади.
«Ўйлайманки, ёзда у миллий жамоада биринчи рақам бўлади», — дея Салведтнинг сўзларини келтиради «Чемпионат».
Аввалроқ Хайкин Норвегия фуқаролигини олиш учун ҳужжатларни расмийлаштириш жараёни кетаётганини маълум қилганди.
Кеча «Будё-Глимт» Чемпионлар лигаси баҳсларида Милан «Интер»ини мусобақадан чиқариб юборди ва турнирнинг 1/8 финалига йўл олди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
