Аввалроқ Марсело Гальярдонинг «Ривер Плейт»даги келажаги борасида муаммолар юзага келгани ҳақида хабар берилганди. Энди бу ҳолат расман якун топди: мутахассис энди жамоага бош мураббий сифатида раҳбарлик қилмайди, клуб у билан хайрлашмоқда. Бу ҳақда euro-football.ru хабар беради.
Шу билан бирга, Гальярдо кетишидан олдин яна бир учрашувда жамоани бошқариб улгуради. Пайшанба куни, яъни бугун «Ривер Плейт» «Банфилд»га қарши майдонга тушади.
Бу ўйин мухлисларга ҳурмат қозонган мураббий билан хайрлашиш имконини беради. Бироқ айрим мухлислар ушбу вазиятдан фойдаланиб, унга норози фикрларини ҳам билдириши эҳтимоли йўқ эмас.
Гальярдо клуб учун бегона эмас: у 90-йилларда «Ривер Плейт» сафида тўп тепган, кейинчалик эса бир неча бор жамоани бошқарган. Шу сабабли у Буэнос-Айрес клубида катта обрўга эга шахс ҳисобланади.
“Zamin”ни Telegram'да ўқинг!
