“Ювентус” Чемпионлар лигасидаги юришини “Галатасарой”га икки ўйин натижаларига кўра ютқазиб, якунлади. Туринликлар Туркиядаги баҳсда 2:5 ҳисобида йирик мағлуб бўлди. Бу ҳақда euro-football.ru хабар беради.
Жавоб учрашувида “бьянконери” камбек қилиб, ўйинни қўшимча бўлимларга олиб чиқди, бироқ у ерда яна икки бор гол ўтказиб юборди ва мусобақани тарк этди (3:2).
Нуфузли турнирдан эрта чиқиб кетилганига қарамай, клуб бош мураббий Лучано Спаллетти билан ҳамкорликни давом эттириш ниятида.
Италиялик журналист Симоне Карини “Ювентус”нинг Чемпионлар лигасидан чиқиб кетиши Спаллеттининг келажагига таъсир қилмайди, деб ҳисоблайди. Унинг айтишича, клуб мураббийга ишонади ва бу мавсумни ўтиш даври сифатида кўрмоқда, ёзда эса таркибда жиддий ўзгаришлар бўлади ҳамда бу жараёнда бош мураббий муҳим рол ўйнайди.
66 ёшли мутахассиснинг амалдаги шартномаси июн охирида якунига етади.
“Zamin”ни Telegram'да ўқинг!
