Мартинес Роналду аввалгидек эмаслигини таъкидлади

Португалия терма жамоаси бош мураббийи Роберто Мартинес ҳужумчи Криштиану Роналду ҳақида фикр билдирди. Бу ҳақда euro-football.ru хабар беради.
Мутахассиснинг айтишича, у жамоага келганидан бери Роналду ўзини намунали тарзда тутмоқда: саркор сифатида ҳамманинг олдида ибрат кўрсатади. Бироқ Мартинес Роналду футболчи сифатида энди «Манчестер Юнайтед»даги илк давридагидек эмаслигини қайд этди.
Мураббий Роналду энди қанот ҳужумчиси эмаслигини, шунингдек, классик «тўққизлик» каби қатъий позицион интизом талаб қилинадиган ролда ҳам ўйнамаслигини айтди. Мартинесга кўра, Роналду ҳозир Португалиянинг асосий якунловчи футболчиси ҳисобланади.
Португалия терма жамоаси келаси ёзда бўлиб ўтадиган жаҳон чемпионатида иштирок этади. Мусобақа АҚШ, Канада ва Мексика мезбонлигида ўтказилади.
“Zamin”ни Telegram'да ўқинг!