Мадриднинг «Атлетико» клубида тўп сурган Диего Коста «Барселона» ҳимоячилари Херар Пике ва Карлес Пуйолга қарши ўйинлар қандай ўтганини эслади. Бу ҳақда euro-football.ru хабар беради.
Ҳужумчи 2010-йилларнинг биринчи ярмида Диего Симеоне жамоасида ёрқин ўйин кўрсатиб, кейинроқ «Челси»га йўл олган.
Костанинг айтишича, «Барселона»га қарши баҳсларда Пике ва Пуйол у билан қаттиқ курашган, бироқ кейин узр сўрашган. Форвард эса улардан узр сўрамасликни, аксинча, ўзини ҳақорат қилиб, жанговор руҳини оширишни сўраган.
Шунингдек, у «Барса»га қарши ўйинларда «Атлетико» кўпроқ ҳимояланишига тўғри келгани, тўп эса камдан-кам оёқларига тушганини таъкидлади. Коста хотираларини Barca Universal келтиради.
37 ёшли, бразилиялик илдизларга эга испаниялик футболчи 2025 йил бошидан бери клубсиз қолмоқда. У «Атлетико» сафида жами 217 учрашувда майдонга тушиб, 83 та гол урган.
“Zamin”ни Telegram'да ўқинг!
