Италиянинг «Интер» ва «Сампдория» клубларида дарвозабон бўлиб ўйнаган Эмилиано Вивиано «Милан»нинг чемпионлик учун жиддий курашишига ишонмаяпти. Унинг фикрича, гап фақат якунига яқинлашиб қолган жорий мавсум ҳақида эмас, умуман олганда жамоанинг ўйин услуби катта совринлар учун етарли эмас. Бу ҳақда euro-football.ru хабар беради.
Вивиано Массимилиано Аллегри бошчилигидаги жамоа ҳимоявий футбол танлайдиган рақибларга қарши жуда қийналишини таъкидлади. Унга кўра, бундай муаммо бор клуб Скудеттога даъвогарлик қила олмайди: «Милан» ҳатто ғалаба қозонган ўйинларда ҳам кўпинча натижани зўрға, катта меҳнат билан олиб чиқади», — дея Вивиано сўзларини pianetamilan.it келтирди.
Эслатиб ўтамиз, «Милан» охирги бор 2022 йилда Италия чемпиони бўлганди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
