“Манчестер Юнайтед”нинг собиқ ҳужумчиси Уэйн Руни фаолияти давомида майдонга тушган энг унутилмас стадион қайси эканини маълум қилди. Бу ҳақда euro-football.ru хабар беради.
Англиялик футболчи карьерасининг катта қисмини “Олд Траффорд”да ўтказган бўлса-да, рақиб майдонлари орасида Мадриднинг “Реал” клуби уй аренаси — “Сантьяго Бернабеу”ни алоҳида ажратди.
“Мен ўйнаган энг культ стадион? Менимча, ‘Сантьяго Бернабеу’. Эҳтимол, бу 2013 йилда ‘Реал’га қарши ўйин бўлган”, — дея Руниннг сўзларини Madrid Xtra келтиради. Руни 2021 йилда футболчилик фаолиятини якунлаган.
2012/13 йилги Чемпионлар лигаси 1/8 финалида икки ўйин натижасига кўра “Реал” “қизил иблислар”ни умумий 3:2 ҳисобида мағлуб этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
