«ПСЖ» ярим ҳимоячиси Витиня Мадриднинг «Реал» клуби учун трансфер бозоридаги энг жиддий нишонлардан бири сифатида тилга олинмоқда. Бу ҳақда euro-football.ru хабар беради.
26 ёшли португалиялик футболчи «қироллик» клубига ўтиш ғоясига ижобий қараётгани айтилади, бироқ парижликлар уни қўйиб юборишга шошилмаяпти. The Touchline хабарига кўра, «ПСЖ» президенти Нассер ал-Хелафи Витиняни айнан «Реал»га сотишни истамаяпти — айниқса Килиан Мбаппе билан боғлиқ воқеалардан кейин.
Манбага кўра, ал-Хелафи «қаймоқранглилар»ни кучайтириб қўймаслик учун бор имкониятни ишга солмоқчи. «ПСЖ»нинг яна бир юлдузи Мадридга йўл олиши спорт ва рамзий жиҳатдан Париж клуби учун оғриқли зарба сифатида қабул қилиниши мумкин.
Transfermarkt портали Витинянинг бозор қийматини 110 млн евро деб баҳоламоқда.
“Zamin”ни Telegram'да ўқинг!
