FIFA президенти Жанни Инфантино ўйин вақтида баҳсли вазиятларда рақибига гапираётганда оғзини беркитадиган футболчиларга нисбатан кескинроқ чора кўриш тарафдори эканини билдирди. Бу ҳақда euro-football.ru хабар беради.
Чемпионлар лигасидаги сўнгги учрашувда «Бенфика» вингери Жанлука Престианнги «Реал» футболчиси Виниусиус Жуниорга мурожаат қилаётганда оғзини футболкаси билан ёпган. Шундан сўнг бразилиялик футболчи ҳакамга рақиб томонидан ирқчиликка оид ҳақоратлар бўлганини айтиб шикоят қилган.
Инфантинонинг фикрича, бундай ҳолатларда футболчи қизил карточка олиши керак: агар ўйинчи оғзини беркитиб нимадир деса ва кейин уни ирқчиликда айблашса, бу эпизоднинг ўзи жазога тортилиши лозим. У буни «оддий мантиқ» билан изоҳлади: ҳақоратли гап бўлмаса, нега оғизни ёпиш керак?
Икки ўйин натижасига кўра «Реал» «Бенфика»ни 3:1 ҳисобида мағлуб этиб, кейинги босқичга йўл олди.
“Zamin”ни Telegram'да ўқинг!
