Скалони Италиянинг Жаҳон чемпионатида йўқлигидан қайғули фикр билдирди

Аргентина миллий жамоаси бош мураббийи Лионел Скалони Италиянинг Жаҳон чемпионати–2026га чиқолмай қолгани ҳақида ўз фикрларини билдирди. Бу ҳақда AlbicelesteTalk хабар бермоқда.

“Италия билан боғлиқ воқеа мени чуқур хафа қилди. Менда итальян илдизлари бор, у ерда фаолият юритганман ва бу мамлакат Аргентина учун жуда яқин. Улар бизга нисбатан катта муҳаббат билан муносабатда бўлишади. Аргентина мухлислари учун ҳам Италиясиз жаҳон чемпионати тўлиқ ва ёқимли эмас”, — деди Скалони.

Эслатиб ўтамиз, Италия Босния ва Герцеговинага қарши плей-офф финалида 1:1 ҳисобидан сўнг пеналтилар сериясида мағлуб бўлиб, ЖЧ–2026 йўлланмасидан маҳрум бўлди.

Қайд этилишича, бу Италиянинг кетма-кет учинчи бор Жаҳон чемпионатининг финал босқичида иштирок этолмаслиги сифатида тарихга кирди.

Скалонининг фикри шуни кўрсатадики, Италиянинг йўқлиги нафақат Европа, балки Жаҳон чемпионати мухлислари учун ҳам сезиларли ва қайғули воқеа бўлди.

Shuhrat Razzakov

«ZAMIN.UZ» муҳаррири

+ Zamin.uz сайтини Googleга қўшинг