"Интер" жамоаси Италия А Серияси турнир жадвалидаги пешқадамлигини янада мустаҳкамлаш мақсадида "Сан-Сиро" стадионида "Кальяри"ни қабул қилади. Кристиан Чиву шогирдлари айни пайтда энг яқин таъқибчисидан 9 очко олдинда бормоқда ва ўз майдонидаги тўққиз ўйинлик мағлубиятсиз сериясини сақлаб қолишга интилади. Бу ҳақда Goal.com хабар беради.
Мезбонлар таркибида Маркус Тюрам асосий эътиборда бўлади, бироқ жамоа жиддий йўқотишларга дуч келган. Мушагидан жароҳат олган Лаутаро Мартинес ва сариқ карточкалари кўпайиб кетгани сабабли дисквалификация қилинган Петар Сучич ушбу учрашувда майдонга туша олмайди.
"Кальяри" эса лигада жон сақлаш учун курашмоқда ва хавфли ҳудуддан 6 очко масофада жойлашган. Меҳмонлар охирги 12 та ўйинда "Интер"ни мағлуб эта олмаган бўлса-да, сўнгги турда "Кремонезе" устидан қозонилган ғалаба уларга қўшимча ишонч бағишлаган.
Учрашувнинг қизиқарли жиҳати шундаки, меҳмонлар сафида "Интер"дан ижарага олинган Себастиано Эспозито тўп сурмоқда. Шунингдек, тажрибали Андреа Белотти ҳам "Кальяри"нинг ҳужум чизиғида асосий хавф туғдириши кутилмоқда.
Статистикага кўра, оролликлар 2016 йилдан буён Миланда ғалаба қозона олмаяпти.
“Zamin”ни Telegram'да ўқинг!
