Лионел Месси Барселона юлдузи Ламине Ямалнинг тезкор ривожланишига юқори баҳо бериб, уни ўзининг табиий вориси сифатида эътироф этди. Саккиз карра Олтин тўп соҳиби бўлган афсонавий футболчи ёш иқтидор эгаси ҳозирда жаҳон футболидаги энг кучли ўйинчи эканлигини таъкидлади. Бу ҳақда Goal.com хабар беради.
Адидас тадбирида сўзга чиққан Месси шундай деди: "Ҳозир жуда иқтидорли ёш авлод вакиллари етишиб чиқмоқда, аммо уларнинг орасидан ёши ва ҳозиргача кўрсатган ўйини ҳамда келажакдаги салоҳиятини инобатга олган ҳолда Ламине Ямални танлаган бўлардим. Мен учун у шубҳасиз энг яхшиси".
18 ёшли вингер ўзининг дриблинги, майдонни кўра олиш қобилияти ва чап оёқдаги аниқ зарбалари билан кўпчиликни Мессининг ёшлигини эслатади. У Барселона сафида ўз ўрнини мустаҳкамлаб, жамоанинг асосий ҳужумкор кучига айланди ва клуб афсонасига тегишли бўлган 10-рақамли либосни муносиб ҳимоя қилмоқда.
Айни дамда Ламине Ямал сон қисмидаги жароҳат сабабли майдондан четда қолган бўлса-да, Ҳанси Фликк бошчилигидаги жамоа учун муҳим фигура бўлиб қолмоқда. Ёш футболчи ўз фаолиятининг илк босқичида бўлишига қарамай, Барселона билан Ла Лига чемпионлиги сари дадил одимламоқда.
“Zamin”ни Telegram'да ўқинг!
