Яқинда якунига етган ва Барселона ғалабаси билан тугаган Эль Класико баҳсида Винисиус Жуниор рақиб мухлисларига қарата провокацион имо-ишора қилди. Биринчи бўлимда ҳар бир тўпга тегинишида трибуналар томонидан ҳуштакбозлик қилинган бразилиялик футболчи асабларини жиловлай олмади. У трибуналар томон қўлларини кўтариб, бармоқлари билан "15" рақамини кўрсатди. Бу имо-ишора Реал Мадриднинг Чемпионлар лигасидаги 15 та чемпионлик унвонига ишора бўлиб, Барселона бу кўрсаткичдан анча йироқда. Бу ҳақда Goal.com хабар беради.
Винисиус Жуниор учун бу биринчи марта эмас. У аввалроқ Чемпионлар лигаси доирасида Манчестер Сити жамоасига қарши ўйинда ҳам шунга ўхшаш қилиқлар билан мухлисларни ғазаблантирган эди. Ўшанда у пеналтини аниқ амалга оширгач, трибуналар томон қараб "йиғлаётган" имо-ишорани кўрсатиб, кулиб майдонни тарк этганди. Бу ҳаракатлар 2024-йилги Баллон дъОр соврини Родри га насиб этганидан сўнг юзага келган кескинликнинг давоми сифатида кўрилмоқда.
Эль Класико доирасида яна бир тарихий воқеа қайд этилди. Барселона ҳимоячиси Жоао Канцело Европанинг кучли бешлик чемпионатларининг тўрттасида ғолиб чиққан тарихдаги илк футболчига айланди. У ўзининг ажойиб фаолияти давомида турли лигаларда чемпионлик шоҳсупасига кўтарилишга муваффақ бўлди.
“Zamin”ни Telegram'да ўқинг!
