Уэйн Руни Виктор Гёкерес Арсенал ҳужум чизиғини бутунлай ўзгартирганига ишонч билдирмоқда. Англия терма жамоасининг собиқ сардори швед ҳужумчисининг майдондаги ҳаракати ва жисмоний тайёргарлиги жамоа қанот футболчилари учун бўш ҳудудлар яратишда ҳал қилувчи аҳамият касб этаётганини таъкидлади. Бу ҳақда Goal.com хабар беради.
Ёзги трансфер ойнасида Sportинг КП клубидан 64 миллион фунт стерлинг эвазига Арсенал сафига келиб қўшилган Гёкерес дастлабки қийинчиликлардан сўнг ўз ўйинини топиб олди. Ҳозирда у барча мусобақаларда 21 та гол уриб, Тьерри Анри ва Иан Райт каби афсонавий футболчилар қаторидан жой олди.
Руни СкйБетнинг Тҳе Оверлап дастурида қилган чиқишида ҳужумчини ҳимоя қилиб, унинг ҳимоячиларни чалғитиш қобилиятини алоҳида эътироф этди. Унинг сўзларига кўра, Гёкереснинг рақиб ҳимоячиларини ўзи билан банд қилиши Букайо Сака ва Эберечи Эзе каби футболчиларга эркинроқ ҳаракат қилиш имконини бермоқда.
Гарчи Эрлинг Холанд тўпурарлар пойгасида яққол пешқадам бўлса-да, Руни швед футболчисининг тактик аҳамияти Арсенал учун чемпионлик йўлида ҳал қилувчи омил бўлишини тахмин қилмоқда. Агар Арсенал Англия Премер-лигаси ва Чемпионлар лигасида ғолиб чиқса, бунга айнан Гёкереснинг қўшган ҳиссаси катта бўлади.
“Zamin”ни Telegram'да ўқинг!
