Хосе Моуриньо иккинчи бор Реал Мадрид бош мураббийи бўлиши мумкин
Goal.com нашрининг хабар беришича, португалиялик мутахассис Жозе Моуринью 13 йиллик танаффусдан сўнг Реал Мадрид клубига бош мураббий сифатида қайтиши кутилмоқда. Клуб раҳбарияти Альваро Арбелоанинг қисқа муддатли фаолиятидан қониқмагани сабабли унинг ўрнига айнан Моуриньюни асосий номзод сифатида кўрмоқда. BBC Sport маълумотига кўра, 63 ёшли мураббий айни дамда шартнома бўйича якуний музокараларни олиб бормоқда.
Реал Мадрид клуби ўз тарихидаги шов-шувли тайинловга яқин турибди. Португалиялик мутахассис Хосе Моуриньо 13 йиллик танаффусдан сўнг Сантиаго Бернабеу стадионига қайтиши кутилмоқда. Клуб раҳбарияти Альваро Арбелоани алмаштириш учун айнан Моуриньони асосий номзод сифатида кўрмоқда. Бу ҳақда Goal.com хабар беради.
ББК Sport хабарига кўра, 63 ёшли мураббий айни дамда шартнома бўйича якуний музокараларни олиб бормоқда. Флорентино Перез жамоани яна ички ва халқаро майдонларда етакчига айлантириш учун тажрибали мураббийга ишонч билдирмоқда. Арбелоанинг қисқа муддатли фаолияти эса клуб раҳбариятини қониқтирмади.
Ҳозирда Бенфика жамоасини бошқараётган Хосе Моуриньо мавсум якунлангач, расман ўз лавозимини тарк этиши кутилмоқда. У ўзининг сўнгги матбуот анжуманида келажаги борасидаги саволларга мавсум тугаганидан сўнг жавоб беришини таъкидлаган эди.
Реал Мадрид жорий мавсумни совринларсиз якунлади ва жамоа Чемпионлар лигаси ҳамда Испания чемпионатида кутилган натижани кўрсата олмади. Моуриньо жамоани қабул қилиб олгач, таркибни қайта шакллантириш ва янги ғалабаларга эришиш вазифасини бажариши керак бўлади.
Изоҳлар 0
…