Англия Премер-лигаси вакили Ноттингем Форест жорий мавсумдаги беқарорликка қарамай, ёзги трансфер ойнасида яна бир бор бош мураббий алмашинувини амалга ошириши мумкин. Клуб хўжайини Эвангелос Маринакис Фулхем устози Марко Силвани жамоага олиб келишни мақсад қилган. Бу ҳақда Goal.com хабар беради.
Маринакис ва Силва ўртасидаги муносабатлар 2016-йилда Олимпиакосдаги муваффақиятли ҳамкорлик даврига бориб тақалади. Ўша вақтда Силва Греция чемпионлигини қўлга киритиб, Европа рекордини ўрнатган эди. Ноттингем Форест раҳбарияти айнан шу тажриба ва тактик барқарорлик жамоани янги босқичга олиб чиқишига ишонмоқда.
Бироқ, португалиялик мутахассис учун кураш осон кечмайди. Челси ҳам ўз мураббийлар штабини кучайтириш мақсадида Силвани номзодлар қаторига қўшган. Шунингдек, Хосе Моуриню Реал Мадридга қайтиши кутилаётган бир пайтда, Бенфика ҳам ўзига янги бош мураббий изламоқда ва Силва уларнинг ҳам диққат марказида.
Ноттингем Форест жорий мавсумда аллақачон тўрт нафар мураббийни алмаштириб улгурди. Шунга қарамай, клуб хўжайини жамоанинг Премер-лигадаги ўрнини мустаҳкамлаш учун яна бир бор таваккал қилишга тайёр. Фулхем эса ўз навбатида муваффақиятли ишлаётган мураббийини қўйиб юборишни истамаяпти.
“Zamin”ни Telegram'да ўқинг!
