Килиан Мбаппе ўзининг болаликдаги кумири Криштиано Роналдо билан бўлган яқин муносабатлари ҳақида гапириб берди. Франциялик ҳужумчи Реал Мадрид афсонаси унга Испания пойтахтидаги ҳаётига мослашишда катта ёрдам берганини ва улар ҳозирда чин дўст эканликларини таъкидлади. Бу ҳақда Goal.com хабар беради.
Ванитй Фаир нашрига берган интервюсида Мбаппе шундай деди: "У ҳозир менинг дўстим. Ёшлигингизда бут тутган инсонларингиз билан дўстлашиш жуда ажойиб. Биз кўп гаплашамиз ва у Мадридга келган илк йилимда менга жуда катта ёрдам берди, чунки у бу клубни жуда яхши билади".
Шунга қарамай, майдондаги вазият Мбаппе учун унчалик силлиқ кечмаяпти. Реал Мадрид мавсумни муваффақиятсиз ўтказмоқда ва мухлислар жамоанинг ўйин услуби ҳамда тактик мувозанат бузилганидан норози. Ҳатто ижтимоий тармоқларда футболчининг жамоадан кетишини талаб қилувчи онлайн петициялар ҳам пайдо бўлди.
Бош мураббий Альваро Арбелоа учун Винисиус Жуниор, Жуд Беллингем ва Килиан Мбаппе каби юлдузларни бир таркибда самарали ўйнатиш ҳақиқий бошоғриққа айланган. Жамоанинг ҳимоядаги барқарорлиги ва ҳужумдаги ўзаро тушуниш даражаси танқидлар остида қолмоқда.
Мутахассислар Мбаппе ва Криштиано Роналдо ўртасидаги статистик кўрсаткичларни таққослашда давом этишмоқда. Бироқ, франциялик футболчи Мадридда ўзининг энг яхши формасини топиш ва жамоани янги ғалабаларга етаклаш учун ҳали ҳам курашмоқда.
“Zamin”ни Telegram'да ўқинг!
