Жамал Мусиала Бавария афсонаси Тҳомас Мюллернинг жамоани тарк этганидан қаттиқ қайғуда. Ўтган ёзда Ванкоувер Whитекапс сафига ўтиб кетган тажрибали футболчи жамоада катта бўшлиқ қолдирди. Мусиала Скй нашрига берган интервюсида унинг майдондаги борлиги ва ижобий энергияси жуда етишмаётганини таъкидлади. Бу ҳақда Goal.com хабар беради.
2020-йилдан 2025-йилгача бирга тўп сурган бу икки футболчи ўртасида жуда яқин дўстлик алоқалари шаклланган эди. Мусиала ўзининг фаолиятини энди бошлаган пайтларида Мюллер унга кўплаб маслаҳатлари билан ёрдам берганини миннатдорчилик билан эслади.
Ўтган ёзда Пари Сен-Жермен жамоасига қарши кечган Клублар ўртасидаги жаҳон чемпионати чорак финалида Мусиала жиддий жароҳат олиб, узоқ муддатга сафдан чиққанди. Айнан ўша учрашув Мюллернинг Бавария сафидаги сўнгги ўйини бўлиб қолди. Ҳозирги қийин паллада ёш ярим ҳимоячи айнан Мюллер билан дилдан суҳбатлашишни исташини яширмади.
Мусиала ўзининг жароҳатдан кейинги тикланиш жараёни ҳақида гапирар экан, барчаси босқичма-босқич кетаётганини қайд этди. У олдинда турган Жаҳон чемпионатига тайёргарлик кўришда шошилмаслик ва кичик қадамлар билан ҳаракат қилиш муҳимлигини таъкидлади.
Шунингдек, у жамоадоши Майкл Олисенинг ўйинига юқори баҳо берди. Мусиаланинг фикрича, Олисе ўз ўйинини ҳар томонлама кучайтирган ва жорий мавсумнинг энг яхши футболчиларидан бирига айланган.
“Zamin”ни Telegram'да ўқинг!
