Англия Кубоги: Манчестер Сити Челси устидан ғалаба қозонди
Уембли стадионида болиб отган Англия Кубоги финалида Манчестер Сити жамоаси Челси устидан 1:0 ҳисобида зафар қучди. Ойиннинг 72-дақиқасида Антуан Семенё Эрлинг Холанднинг узатмасидан кейин киритган ягона гол учрашув тақдирини ҳал қилди. Иккинчи болимда Моисес Кайседо ва Энзо Фернандезда ҳисобни озгартириш имкониятлари болганига қарамай, улардан фойдалана олишмади. Якунда Пеп Гуардиола шогирдлари устунликни сақлаб қолиб, Англия Кубоги соҳибига айланишди.
Уембли стадионида бўлиб ўтган Англия Кубоги финалида Манчестер Сити жамоаси Челси устидан 1:0 ҳисобида ғалаба қозонди. Ўйин давомида Лондон клуби ҳимояда тартибли ҳаракат қилган бўлса-да, 72-дақиқада Антуан Семенё томонидан киритилган ягона гол учрашув тақдирини ҳал қилди. Бу ҳақда Goal.com хабар беради.
Биринчи бўлимда Манчестер Сити босим ўтказишга ҳаракат қилди, бироқ Челси ҳимоячилари Эрлинг Холанд ва бошқа ҳужумчиларнинг хавфли вазиятларини бартараф этишди. Меҳмонлар дарвозабони Роберт Санчез бир неча бор жамоасини муқаррар голлардан сақлаб қолди.
Иккинчи бўлимда ўйин янада кескин тус олди. Моисес Кайседо ҳисобни очишга яқин келган бўлса-да, Родри тўпни дарвоза чизиғи устидан қайтариб қолди. Кўп ўтмай, Антуан Семенё Эрлинг Холанднинг узатмасидан сўнг чиройли гол уриб, Манчестер Ситига совринни тақдим этди.
Энзо Фернандез ўйин сўнгида ҳисобни тенглаштириш учун имкониятга эга бўлди, аммо унинг зарбаси ноаниқ кетди. Якунда Пеп Гуардиола шогирдлари ўз устунлигини сақлаб қолиб, Англия Кубоги соҳибига айланишди.
Изоҳлар 0
…