Челси раҳбарияти ниҳоят кутилмаган қарор қабул қилиб, Хаби Алонсони жамоа бош мураббийи этиб тайинлади. 44 ёшли мутахассис 1-июльдан бошлаб тўрт йиллик шартнома асосида иш бошлайди. Муҳими, Алонсо шунчаки бош мураббий эмас, балки тўлиқ ваколатларга эга менежер мақомида фаолият юритади, бу эса унга трансферлар ва таркибни шакллантиришда катта эркинлик беради. Бу ҳақда Goal.com хабар беради.
Лондонликлар сўнгги йилларда ёш иқтидорларга таянган ҳолда барқарор натижаларга эриша олмаётган эди. Англия кубоги финалида Манчестер Сити жамоасидан учралган мағлубият ва Премер-лигадаги ўртамиёна ўйинлар клубдаги инқирозни чуқурлаштирган эди. Алонсонинг келиши мухлислар ва жамоа учун янги умид учқунини уйғотди.
БлуеКо эгалари учун бу трансфер катта ютуқ ҳисобланади. Жамоа Чемпионлар лигаси йўлланмасидан маҳрум бўлишига қарамай, Алонсо каби юқори савияли мураббийнинг Стамфорд Бридге стадионига кўчиб ўтиши клуб нуфузидан далолат беради. Бу қарор Тодд Боэҳлй ва Беҳдад Эгҳбали учун мухлислар олдидаги обрўни тиклаш йўлидаги муҳим қадам бўлди.
Бошқа томондан, бу хабар Ливерпул учун оғир зарба бўлди. Арне Слот қўл остида қийин мавсумни ўтказаётган мерсисайдликлар, клуб афсонаси бўлган Алонсони қўлдан чиқаргани учун танқидлар остида қолмоқда. Эндиликда барча эътибор испаниялик мутахассиснинг Челси таркибини қандай ўзгартиришига қаратилган.
“Zamin”ни Telegram'да ўқинг!
