Челси Тоттенхем устидан ғалаба қозониб, рақибини қийин аҳволда қолдирди

Англия Премер-лигаси доирасидаги Лондон дербисида Челси ўз майдонида Тоттенхемни 2:1 ҳисобида мағлуб этди. Энзо Фернандез ўйин қаҳрамонига айланиб, биринчи бўлимда узоқ масофадан ажойиб гол урди ва иккинчи бўлимда Андрей Сантоснинг голига ассистентлик қилди. Бу ҳақда Goal.com хабар беради.

Учрашув бошида Тоттенхем фаолроқ ҳаракат қилди, бироқ Матҳйс Телнинг зарбаси дарвоза устунига тегиб қайтди. Мезбонлар сафида Коул Палмер ўзининг техникаси билан ажралиб турди ва рақиб ҳимоясини тез-тез саросимага солди. Энзо Фернандезнинг 30 ярддан йўллаган зарбаси эса дарвозабон Антонин Кинскй учун кутилмаган бўлди.

Иккинчи бўлимда Рандал Коло Муанининг хатосидан унумли фойдаланган Челси ҳисобни 2:0 кўринишига келтирди. Гарчи Ричарлисон битта гол билан жавоб қайтарган бўлса-да, Тоттенхем якунда мағлубиятдан қутулиб қола олмади.

Ушбу ғалаба Челси учун Европа кубоклари йўлланмаси учун курашни давом эттиришга имкон берди. Тоттенхем эса Премер-лигада қолиш масаласини сўнгги турга қолдиришга мажбур бўлди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг