Испаниянинг Барселона клуби Манчестер Юнайтед ҳужумчиси Маркус Рэшфорд билан шахсий шартнома шартларини келишиб олди. Жамоа бош мураббийи Ханси Флик англиялик футболчини ўзининг ҳужум чизиғидаги режаларининг муҳим қисми деб ҳисобламоқда ва раҳбариятдан ушбу трансферни устувор вазифа сифатида кўришни сўраган. Бу ҳақда Goal.com хабар беради.
Маълумотларга кўра, Рэшфорд Каталонияда қолиш истаги туфайли клубнинг молиявий чекловларига мос келадиган маош камайишига ва узоқ муддатли шартнома тузилишига рози бўлган. Ханси Флик ёш муқобил вариантлардан кўра тажрибали Рэшфорд номзодини маъқул кўрмоқда, бу эса Блауграна раҳбариятининг музокаралардаги фаоллигини оширди.
Манчестер Юнайтед эса футболчи учун 30 миллион евро миқдоридаги товон пулини талаб қилишда давом этмоқда. Англия Премер-лигаси вакиллари ижара муддатини узайтириш ниятида эмас ва футболчининг тўлиқ сотиб олинишини талаб қилмоқда. Бироқ Рэшфорднинг Олд Траффордга қайтиш нияти йўқлиги ва бошқа таклифларни рад этаётгани Манчестер клубининг позициясини қийинлаштирмоқда.
Ҳозирда Барселона трансфернинг янги формуласини кўриб чиқмоқда. Унга кўра, футболчи яна бир мавсум ижарага олиниши ва 2027-йилда мажбурий сотиб олиш банди қўшилиши мумкин. Бу усул каталонияликларга молиявий фейр-плей қоидаларини бузмасдан трансферни амалга ошириш имконини беради.
“Zamin”ни Telegram'да ўқинг!
