Ливерпул жамоасининг афсонавий ҳужумчиси Муҳаммад Салах клубни тарк этиши арафасида берган баёнотлари билан жамоа ичидаги муҳитни ларзага келтирди. Мисрлик юлдуз Арне Слот бошқарувидаги ўйин услубини танқид қилиб, жамоани Юрген Клопп давридаги "ҳеавй метал" футболига қайтишга чақирди. Ушбу вазиятга клубнинг собиқ ҳужумчиси Майкл Оуэн ўз муносабатини билдирди. Бу ҳақда Goal.com хабар беради.
Муҳаммад Салах Ливерпул сафида ўтказган тўққиз йиллик фаолияти давомида икки бор Англия Премер-лигаси ва бир марта Чемпионлар лигаси ғолибига айланди. Бироқ, 33 ёшли ҳужумчининг шартномаси якунланишига 12 ой қолганида уни бекор қилишга қарор қилинди. Эндиликда Салах фаолиятини Европа, MLS ёки Саудия Pro лигасида давом эттириши кутилмоқда.
Салах ижтимоий тармоқлардаги баёнотида жамоанинг жорий мавсумдаги натижаларидан норози эканини яширмади. "Мен ушбу клубнинг шубҳа қилувчилардан ишонувчиларга, сўнгра чемпионларга айланганига гувоҳ бўлдим. Бу мавсумдаги мағлубиятларимиз жуда оғриқли бўлди. Мен Ливерпулни яна рақиблар қўрқадиган ҳужумкор жамоа сифатида кўришни истайман", — деди мисрлик футболчи.
Майкл Оуэн ГОАЛ нашрига берган интервюсида Салахнинг сўзларини "қўл гранатаси"га ўхшатди. Оуэннинг таъкидлашича, Салахнинг фикрлари тушунарли бўлса-да, уларни оммага очиқлаш жамоа учун зарарли бўлиши мумкин. Ҳозирда Ливерпул Англия Премер-лигаси турнир жадвалида бешинчи ўринга тушиб кетган, бу эса жамоа ичидаги кескинликни янада оширмоқда.
“Zamin”ни Telegram'да ўқинг!
