Таниқли телебошловчи Piерс Морган Арсенал жамоасининг Англия Премер-лигасидаги тарихий ғалабасидан сўнг майдонга тушгани учун билдирилган танқидларга ҳазил билан жавоб қайтарди. Ашаддий мухлис ва унинг уч ўғли Кристал Пеласга қарши ўйиндан кейинги тақдирлаш маросимида жамоа билан бирга майдонда кўриниш бергани футбол ишқибозларининг эътирозига сабаб бўлди. Бу ҳақда Goal.com хабар беради.
Арсенал жамоаси 22 йиллик танаффусдан сўнг чемпионликни қўлга киритганидан сўнг, Морган ва унинг ўғиллари Селҳурст Парк стадионида Микел Артета ҳамда асосий таркиб футболчилари билан суратга тушишди. Ижтимоий тармоқ фойдаланувчилари қандай қилиб оддий мухлислар стадион протоколларини четлаб ўтиб, майдоннинг эксклюзив қисмига кирганига қизиқиш билдиришди. Айниқса, аввалроқ Микел Артета истеъфосини талаб қилган Морганнинг жамоа билан байрам қилиши кўпчиликка ёқмади.
Танқидларга жавобан Морган Х (собиқ Twitter) тармоғида шундай ёзди: "Балки бунга сабаб 55 йилдан бери қўллаб-қувватлаётган клубим учун бу кун муҳим бўлишини сезиб, март ойи бошида 4 та чипта сотиб олганимдир. Артетага келсак, у мени ва кўпчиликни хато қилганимизни исботлади, бундан фақат хурсандман".
Бошловчи майдонга қандай киргани ҳақидаги саволларга ойдинлик киритиб, чипталарни тўлиқ нархда (ҳар бирини 750 фунт + ҚҚС) сотиб олганини ва Паласеъс 2010 Клуб ВИП-ложасида бўлганини маълум қилди. Унинг сўзларига кўра, ўйиндан сўнг уларни директорлар хонасига таклиф қилишган ва кубокни топшириш маросимини майдон четида кузатиш имкониятини беришган.
Шунингдек, Морган ярим ҳимоячи Деклан Рисе билан боғлиқ вазиятга ҳам тўхталди. Футболчи ўз медалини бошловчининг бўйнига тақиб қўйгани тасвирланган сурат ҳақида гапирар экан, Морган: "Деклан югуриб келиб медалини бўйнимга тақиши учун пул тўламаганман, лекин у шундай қилганидан жуда хурсандман", — дея қўшимча қилди.
“Zamin”ни Telegram'да ўқинг!
