Арсенал жамоаси Чемпионлар лигаси финали олдидан жиддий огоҳлантириш олди. Манчестер Юнайтед собиқ ҳимоячиси Патрис Эвра агар Микел Артета шогирдлари ўз ўйинларини кучайтирмаса, Париж клуби уларни яксон қилиши ва дарвозасига бешта гол уриши мумкинлигини айтди. Бу ҳақда Goal.com хабар беради.
Англия Премер-лигасининг янги чемпионлари 2006-йилдан бери илк бор Европанинг энг нуфузли турнири финалига йўлланма олди. Микел Артета жамоаси Будапештда тарих ёзишни кўзламоқда, бироқ PSJ Зинедине Зидане бошқарувидаги Реал Мадрид каби кетма-кет икки бор чемпионликни қўлга киритган иккинчи жамоага айланиш ниятида.
Франция чемпионлари таркибида Усман Дембеле, Десире Доуе ва Хвича Кваратсхелиа каби хавфли ҳужумчилар бор. Патрис Эвранинг фикрича, агар Арсенал ҳимояга ётиб олса, PSJ ўтган йилги финалда Интер билан содир бўлган сценарийни такрорлайди. Ўшанда италияликлар дарвозасига бешта гол урилган эди.
"Менимча, PSJ ҳозирда футбол оламида ҳукмронлик қилмоқда. Агар Арсенал аввалгидек 'автобус' қўйиб ўйнаса, PSJ уларга ҳам Интерга урганидек бешта гол уради. Мен ўшанда шокда эдим, чунки италияликлар катеначчо усталари ҳисобланади," — деди Эвра.
Собиқ футболчи Арсенал учун Англия чемпионлигидан сўнг Чемпионлар лигасидаги ғалаба катта бонус бўлишини, аммо Усман Дембеле ва бошқа юлдузлар тайёр бўлса, Лондон клубига жуда қийин бўлишини таъкидлади.
“Zamin”ни Telegram'да ўқинг!
