Пойтахтимиздаги “Ҳумо арена” мажмуасида профессионал бокс оқшоми давом этмоқда. Турнир доирасида ўзбекистонлик истиқболли чарм қўлқоп устаси Шоҳжаҳон Абдуллаев ҳам рингга кўтарилди.
23 ёшли ҳамюртимиз 6 раундга мўлжалланган баҳсда Гана вакили Стефан Аконга қарши жанг қилди. Абдуллаев учрашув давомида ташаббусни ўз қўлида ушлаб, рақибига босим ўтказди ва тўртинчи раундда ҳал қилувчи зарбалар орқали жангни муддатидан олдин якунлади.
Шоҳжаҳон Абдуллаев ганалик рақибини нокаутга учратиб, профессионал рингдаги ғалабали юришини давом эттирди. Бу унинг проф боксдаги еттинчи жангида қўлга киритган еттинчи ғалабаси бўлди.
Абдуллаевнинг навбатдаги ишончли ғалабаси ўзбек бокси мухлислари учун яна бир ёқимли хабар бўлди. У ҳар бир жангда тажриба тўплаб, катта саҳналарга тайёр эканини кўрсатмоқда.
Қисқаси, Шоҳжаҳон Абдуллаев “Ҳумо арена”даги проф бокс оқшомида Стефан Аконни тўртинчи раундда нокаутга учратди. 7 та жанг, 7 та ғалаба — темп яхши, йўналиш эса катта мақсадлар томон.
“Zamin”ни Telegram'да ўқинг!
