
Малайзиянинг Т-Тim клубининг нигериялик ҳимоячиси Давид Ония ўртоқлик учрашуви пайтида ҳушидан кетганидан кейин оламдан кўз юмди. Бу ҳақда Reuters ахборот агентлиги'га асосланиб Kun.uz хабар бермоқда.
Футболчи Кота-Бару шаҳрида Kelantan жамоасига қарши учрашувнинг 3-дақиқасидаёқ ҳушидан кетган. Футболчи шифохонага олиб борилган ва у ерда ўзига келмай вафот этган.
Т-Тim жамоаси президенти Мод Заин агар тиббий кўмак ўз вақтида кўрсатилганда футболчининг ҳаёти сақлаб қолиниши мумкинлигини айтган.
“У юрак хуружини бошидан ўтказди, бироқ тиббий ёрдам ҳайдовчиси ўз ишига тайёр бўлганда ҳаммаси яхшилик билан тугаши мумкин эди. Ония ҳушидан кетганда ҳайдовчи трибунада бўлган”, деб айтди Заин.
Ўйин 60-дақиқада – шифохонадан футболчи ўлгани ҳақида хабар келгандан кейин тўхтатиб қўйилган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар