Ўзбекистон футболи, Лионель Месси ва Криштиану Роналдулар ҳақида сиз билмаган маълумотлар

Футбол (инглизча “foot”- оёқ, “ball”- тўп) бугунги кунда миллионлаб инсонларни ўзига жалб қила олган спорт ўйини ҳисобланади. Ушбу ўйиндан мақсад тўпни рақиб дарвозасига киритиш, яъни гол уриш ҳисобланади. Футбол ўйинида майдонда 11 кишидан иборат икки жамоа баҳс олиб боради. Футбол тўпининг оғирлиги 410-450 грамм, айлана диаметрининг узунлиги 68-70 см бўлиши ўйин қоидаларига кўра белгилаб қўйилган. Майдонда ҳар иккала жамоада биттадан дарвозабон бўлиб, улар бошқа футболчилардан фарқли равишда қўл билан ўйнаш имкониятига эга. Бошқа ҳеч қайси футболчилар ўйин давомида қўл билан ўйнаши мумкин эмас, бу қоидабузарлик ҳисобланади. Тананинг бошқа аъзолари, оёқ, бош, тананинг гавда қисмлари билан тўпни бўйсундириш, гол киритиш мумкин. Футболда қоидабузарлик учун ҳакам томонидан сариқ ва қизил қарточкалар кўрсатилади.

**************

Ўзбекистонда 1912 йилда Қўқонда футбол жамоаси тузилган. Кейинчалик Фарғона, Самарқанд, Тошкент, Андижон, Наманган шаҳарларида ҳам футбол жамоалари пайдо бўлган. Кўп карра Ўзбекистон чемпиони Тошкентнинг “Пахтакор” клуби 1956 йилда ташкил этилган. Ўзбекистон футбол федерацияси дастлаб 1959 йилда йилда ташкил этилган бўлиб, 1992 ва 2001 йилларда қайта рўйҳатдан ўтган. Футбол бўйича Ўзбекистон миллий терма жамоаси 1994 йилда Осиё ўйинлари ғолиби бўлган.

**************
Аргентиналик машҳур футболчи Лионель Андрес Месси 1987 йилнинг 24 июнида Аргентинанинг Росарио шаҳрида таваллуд топган. Унинг бўйи 170,5 сантиметр, вазни эса 70,5 килограмм. Футболдаги ампуласи – ҳужумчи. Ҳозирги кундаги жамоаси Каталониянинг “Барселона” клуби ҳисобланади, Аргентина терма жамоаси сардори. Месси терма жамоа либосида 2004-2005 йилларда 20 ёшгача бўлган футболчилардан иборат Аргентина терма жамоасида, 2008-йилда Аргентина олимпия терма жамоасида ўйнаган. Миллий терма жамоадаги фаолиятни 2005 йилда бошлаган. Лионель Месси 2008 йилда Пекинда ўтказилган олимпиадада футбол бўйича олтин медални, Аргентина миллий терма жамоасида 2014 йилда Бразилияда ўтказилган жаҳон чемпионатида кумуш медални ҳамда 2007, 2015, 2016 йилларда Америка кубогида кумуш медалларни қўлга киритган.

**************
Португалиялик машҳур футболчи Криштиану Роналду дос Сuzантос Аверио 1985 йилнинг 5 февралида Португалиянинг Мадейра шаҳрида таваллуд топган. Унинг бўйи 185,8 сантиметр, вазни эса 80,8 килограмм. Футболдаги ампуласи –қанот ярим ҳимоячиси ва ҳужумчи. Ҳозирги кундаги жамоаси Испаниянинг “Реал Мадрид” клуби ҳисобланади, Португалия терма жамоаси сардори. Роналду терма жамоа либосида 2001 йилда 15 ёшгача бўлган футболчилардан иборат Португалия терма жамоасида, 2001-2002 йилларда 17 ёшгача бўлган футболчилардан иборат Португалия терма жамоасида, 2002-2003 йилларда 21 ёшгача бўлган футболчилардан иборат Португалия терма жамоасида, 2003 йилда 20 ёшгача бўлган футболчилардан иборат Португалия терма жамоасида, 2004-йилда Португалия олимпия терма жамоасида ўйнаган. Миллий терма жамоадаги фаолиятни 2003 йилда бошлаган. Роналду Португалия миллий терма жамоасида 2004 йилда ўз ватанида ўтказилган футбол бўйича Европа чемпионатида кумуш медални, 2012 йилда Украина ва Польшада ўтказилган футбол бўйича Европа чемпионатида бронза медални ҳамда 2016 йилда Францияда ўтказилган футбол бўйича Европа чемпионатида олтин медални қўлга киритган. “Замин” янгиликларини “Инстаграм”да кузатиб боринг