Регламент нима дейди?
Қоидага кўра:
Биринчи - Очко.
Иккинчи - Тўплар нисбати.
Учинчи - Урилган голларнинг кўплиги.
Тўртинчиси бизга керак эмас. Чунки Сурия биздан битта кўп гол урган, Хитой эса бир хил, 6та.
Айни пайтда Ўзбекистон миллий терма жамоаси 12 очко билан, тўртинчи ўринда турибди.
1. МТЖ 5 сентябрь куни Жанубий Кореяни мағлубиятга учратса ҳам ЖЧга тўғридан-тўғри чиқа олмаслиги мумкин, агар Сурия ғалаба қозонса. Келинг, Сурия ҳеч бўлмаса битта тўп фарқи билан ғалаба қозонса нима бўлишини кўриб чиқамиз. Сурияни 2та тўп фарқи билан ютишини четга суриб турамиз.
Айни пайтда Сурия биз билан бир хилда, 6та тўп урган, аммо тўплар нисбати уларда +1ни ташкил этаяпти. Сурия 1та гол фарқи билан ютган тақдирда Ўзбекистон 3та тўп фарқи билан Жанубий Кореяни мағлубиятга учратиши керак бўлади. Жанубий Корея учта тўп фарқи билан мағлубиятга учрайдиган терма жамоалар сирасига кирмайди.
Сурия ва Ўзбекистон минимал ҳисобда ғалаба қозонган тақдирида, араблар тўғридан-тўғри ЖЧга, биз учинчи ўрин билан ўтиш босқичига йўл оламиз.
2. Ўзбекистон ғалаба қозониб, Эрон терма жамоаси мағлубиятга учрамаса тўғридан-тўғри ЖЧга биз чиқамиз, Жанубий Корея учинчи ўринда қолади.
3. Жанубий Корея ва Сурия терма жамоаларининг иккиси ғалаба қозонсалар, корейслар мундиалга, Сурия нариги гуруҳнинг учинчи ўрини билан ўйинга йўл олади. Ҳудди шу ҳолатда Сурия дуранг ўйнаса ҳам жадвал ўзгармайди.
4. Энг ёмони... Ўзбекистон терма жамоаси гол урмай ўйинда очко ололмаса ва Хитой сафарда Қатарни ютса (ўз-ўзидан тўплар нисбати минимум -2 бўлади. Урилган тўплар 6та, Хитой эса минимум ҳисобда Қатарни мағлубиятга учратса, урилган голлари сони 7та бўлади, тўплар нисбати -2) биз гуруҳда бешинчи ўринга тушиб кетамиз.
Жанубий Кореяда ҳам шунга ўхшаш вазият. Сўнгги йилларда илк маротаба кореялик ҳамкасбларимиз қўлларига калькулятор олган бўлсалар ажаб эмас. Агар уларнинг терма жамоалари мағлубияга учрасалар ва Сурия ғалаба қозонадиган бўлса, 1986 йилдан буён илк маротаба ЖЧсиз қолган бўладилар.
Ҳаёт ва мамот жангида МТЖни қўллаб-қувватлашимиз керак! Одил вада берди, қолган футболчилардан ҳам шижоат кутамиз, кўзи етмаган футболчи тинчгина ўйиндан чиқиб қўйсин, бу уларнинг ҳам Ватани ахир!
Манба: championat.asia “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
АҚШ Исроилнинг икки вазирига санкция қўлламоқчи
Ҳар қандай катта ёшдаги киши етук эмас
Эрдўғон Туркия Исроил билан алоқаларини узганини маълум қилди
Россия армияси Купянскка киргани айтилмоқда
Боррел ЕИнинг Исроил билан мулоқотини тўхтатишни таклиф қилди
АҚШ ҳарбийлари орасида ўз жонига қасд қилиш кўпайди
Пашинян Арманистоннинг Мустақиллик декларацияни энг катта муаммо ва фожиа деб атади
