Футбол бўйича Олий Лига иштирокчиси ҳисобланмиш “Бухоро” жамоаси янги мавсумда ўз таркибига тажрибали ҳужумчи Александр Гейнрихни қўшиб олиши мумкин. Бу ҳақда “Championat.asia” нашри хабар бермоқда.
Маълум бўлишича, Қозоғистон чемпионатининг “Ордабаси” жамоаси шарафини ҳимоя қилиб келаётган Александр Гейнрихнинг клуби билан тузган амалдаги шартномаси ниҳоясига етган.
“Бухоро” клуби бош мураббийи Улуғбек Бақоев юзага келган вазиятдан фойдаланиб, Александр Гейнрихни ўз жамоасига таклиф этмоқчи.
Хабарда айтилишича, Гейнрих катта эҳтимол билан келаси мавсумдаги фаолиятини Олий Лига клубларининг бирида давом эттиради.
Гейнрих янги мавсумда “Бухоро” тўпурари Иван Нагаевнинг ўрнини тўлдириши кутилмоқда. Бухороликлар бу борада ўзига хос рокировкани амалга оширишга яқин.
Ўзбекистон терма жамоасига таклиф этилган Иван Нагаев келаси йил фаолиятини Қозоғистон чемпионатида давом эттириш эҳтимоли юқори эканлиги айтилмоқда. Бироқ Нагаев хизматларига Қозоғистоннинг айнан қайси клуби қизиқиш билдираётганлиги номаълум.
Шунингдек, “Бухоро” жамоаси жорий мавсумни Қозоғистоннинг “Атирау” клубида ўтказаётган собиқ футболчиси Шавкат Саломовни ҳам қайтариши мумкин.
Эслатиб ўтамиз, Александр Гейнрих жорий йилнинг 5 сентябрь куни бўлиб ўтган Ўзбекистон–Жанубий Корея учрашуви (0:0) дан сўнг ҳужумчи терма жамоадаги фаолиятини якунлаганди.
Маълумот учун, “Бухоро” жамоаси Олий Лиганинг жорий мавсумида 28 учрашув ўтказиб, 43 очко билан мусобақанинг 5-ўрнини эгаллаб турибди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Зоир Мирзаев “Телефонсиз мактаб”га 300 млн сўм мукофот берди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Америкалик олимлар барча учун бирдек фойдали жисмоний фаоллик турини аниқлади
