Моуриньо Гвардиолага таслим бўлди

«Манчестер Юнайтед» жамоаси бош мураббийи Жозе Моуриньо Англия чемпионатининг 16-турида «Манчестер Сити»га қарши мағлубиятли учрашувдан кейин фикрларини билдириб ўтди. «Олд Траффорд»да кечган дерби Хосеп Гвардиола шогирдларининг 2:1 ҳисобидаги ғалабаси билан якунланди.

«Биринчи реакция — афсуски рефери Майкл Оливерга, чунки у ўйинни яхши ўтказдию, муҳим вазиятда хатога йўл қўйди. Унинг хатоси натижага таъсир қилди, у пенальти белгилаганида ҳисоб ҳали ўйин якунига қадар 20 дақиқа борлигида 2:2 кўринишига келиши мумкин эди. Майкл яққол пенальтини кўрмади.

Энди чемпионлик пойгаси якунландими? Менимча ҳа. «Манчестер Сити» — жуда кучли жамоа ва улар юқори формада. Футбол илоҳлари «Сити»ни қўлламоқда», — деган Моуриньо.

Дербидаги ғалабадан кейин «Манчестер Сити» турнир жадвалида энг яқин таъқибчиси бўлиб турган «Манчестер Юнайтед» билан орадаги фарқни 11 очкога етказган. «Замин»ни Telegram’да ўқинг!