Испания Ла лигасининг 24-тури доирасида "Барселона" сафарда "Эйбар" меҳмони бўлди ва осон бўлмаган ғалабани қўлга киритди.
Мезбонлар бутун учрашув давомида каталонияликларга нисбатан прессинг қўллаб, ҳужумкор ўйин намойиш қилишга ҳаракат қилди. Бу Вальверде шогирдлари учун айрим қийинчилик юзага келтириш билан бирга, баъзи вазиятларда қулайлик ҳам яратди. Хусусан, баҳснинг 16-дақиқасида "Барса" қарши ҳужумда мезбонларни жазолади. Мессининг идеал узатмасидан кейин Суарес бирга-бир вазиятга чиқди ҳамда дарвозабонни алдаб ўтиб, бўш дарвозани ишғол қилди.
Орадан 3 дақиқа ўтиб "Эйбар" ҳисобни тенглаштириши мумкин эди. Орельяна жарима майдончаси ташқарисидан йўллаган хафли зарба натижасида тўп тўсинга тегиб, юқорига кўтарилиб кетди.
Биринчи бўлим тугашига 8 дақиқа қолганида дарвоза устунини пойлаш навбати Мессига келди. Леонинг узатмасидан кейин Суарес чап қанотдан дарвозабон билан бирга-бир вазиятга чиқиб борди. У дарвозабонни алдаб ўтди ва ўткир бурчак остида зарба бермасдан, тўпни орқадан етиб келган Лионелга етказишга қарор қилди. Аргентиналик футболчининг зарбасидан кейин олис устунга тегиб қайтди.
Иккинчи бўлим ўрталарида "Эйбар" майдонда ўн киши бўлиб қолди: ҳиссиётларини жиловлай олмаган Орельяна иккинчи сариқ карточкани олиб, майдонни тарк этди.
Ўйин сўнгида "Барселона" иккинчи голни уришга муваффақ бўлди. Коутиньо диагонал узатма билан ўнг қанотдан олдинга ўтаётган Видални тўп билан таъминлади. Алеиш тўпни тўхтатмасдан жарима майдончасидаги Мессига етказди. Лионелнинг бирга-бир вазиятда берган зарбасини Дмитрович қайтарди. Чап қанотдан ёрдамга келган Альба ўнг оёғи билан дарвозанинг бўш қолган қисмини ишғол қилди.
Шу тариқа, "кўк-анорранглилар" Ла лигада кетма-кет иккита дурангдан кейин ғалаба қозонишга муваффақ бўлди. Каталонияликлар ўз очколарини 62тага етказиб, "Атлетико" билан фарқни 10 очкога етказишди.
Испания Ла лигаси, 24-тур
"ЭЙБАР" - "БАРСЕЛОНА" 0:2 (0:1, 0:1)
Голлар: 0:1 – 16 Суарес, 0:2 – 88 Альба.
Эйбар – Дмитрович, Арбилья, Рамис (Ломбан, 46), Хосе Анхель, Пенья, Дани Гарсия, Диоп (Эскаланте, 74), Жордан (Шарлес, 83), Орельяна, Инуи, Кике.
Барселона – тер Штеген, Умтити, Пике, Альба, Паулиньо (Алеиш Видаль, 74), Серджи Роберто (Нелсон Семеду, 90), Бускетс, Ракитич, Иньеста (Коутиньо, 63), Месси, Суарес.
Огоҳлантиришлар: Иньеста (48), Орельяна (58), Диоп (66).
Четлатиш: Орельяна (66).
Манба: stadion.uz “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Олмаотада ўликхона қўриқчиси жасадларни зўрлаганликда гумон қилинмоқда
Тошкентдан Чорвоққа автобус қатнови бошланди
Президент Олимпиадага йўлланма олган футболчиларга табрик йўллади
Осиё кубоги: Ўзбекистоннинг ғалабасига хориждан қандай муносабат бўлмоқда?
Green Card жавоблари қачон чиқиши эълон қилинди
Орол денгизи бўйида мобил алоқа ва интернет тармоғи ишга туширилди
Япония терма жамоаси бош мураббийи: "Париж Олимпиадасига қитъа чемпионлари мақомида боришни мақсад қилганмиз"