Футбол бўйича Ўзбекистон Суперлигасида бугун — 10 март куни 2-тур беллашувларига якун ясалади. Бунгача 4 та учрашув ўтказиб улгурилди.
Турнинг марказий ўйини Тошкент дербиси бўлиб, унда Миржалол Қосимов ва Шота Арвеладзе жамоалари «Бунёдкор» стадионида тўқнаш келади. Ўтган мавсумни «пахтакорчилар» кучли учликда якунлаган бўлса, «Бунёдкор» 4-ўрин билан кифояланганди.
Тошкентнинг бу икки гранд клуби миллий чемпионат доирасида ҳозиргача 22 бор тўқнаш келган, кичик устунлик «қалдирғочлар» тарафида. «Бунёдкор» ҳисобида 7 та ғалаба бор, «Пахтакор»да эса 6 та. Яна 9 та беллашувда ғолибни аниқлашнинг имкони бўлмаган. Тўплар нисбати 25:20, «Бунёдкор» фойдасига.
«Пахтакор» мезбонлигида кечган ўйинлардан кўра, «Бунёдкор» уйидагилари нисбатан сермаҳсулроқ экани билан ажралиб туради. Чунки уларда 30 та гол урилган, «Пахтакор» уйидаги ўйинларда эса икки марта кам — 15 та.
Беллашув 17:30 да старт олади. Бир тур аввал «Бунёдкор»нинг АГМК клубига қарши ўйинини кўриш учун 12 минг ишқибоз ташриф буюрганди. Бугун мухлислар сони янада кўпроқ бўлиши катта эҳтимол. Қайд этиш керак, бир йил аввал «Бунёдкор»нинг барча уй учрашувларига 15 минг мухлис келган. Суперлигага асос солингач, мухлислар ташрифида ўсиш бошланган.
«Бунёдкор» стадионида ўтган 11 та ўйин орасидан мухлислар ташрифи борасидаги энг паст кўрсаткич айнан 2017 йилда кузатилган бўлиб, дербини томоша қилиш учун 2 123 ишқибоз келганди. 2008 йилги мавсум эса энг кўп одам йиққан — 18 210.
Ўзбекистон Суперлигаси
2-тур беллашувлари
«Бунёдкор» — «Пахтакор» 17:30
«Сўғдиёна» — «Нефтчи» 20:00
Кеча — 10 март куни «Бунёдкор» ва «Пахтакор» ёшлари ўзаро кураш олиб бориб, унда Шуҳрат Мақсудов муаббийлик қилаётган ёш «қалдирғочлар» 3:0 ҳисобида зафар қучди. Бир йил аввал «Бунёдкор» Ёшлар Лигасини ғалаба билан якунлаганди.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркия Исроил президенти самолётини ҳаво ҳудудига киритмади
Ижтимоий тармоқлар даврида руҳий саломатликни қандай сақлаш мумкин?
Организм ўзини токсинлардан қандай тозалайди?
Тюмен областига Ўзбекистондан меҳнат мигрантлари ишга жалб қилинади
Глобал очлик ва қашшоқликка қарши кураш алянсига 82 мамлакат аъзо бўлди
Энди операциядан сўнг кесмалар ўрни икки баробар тезроқ битиши мумкин
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
КХДР Россияга 100 минггача ҳарбий юбориши мумкин
