Марадона Мессига “Эчки билан суратга тушиш ўрнига, олдин бирор ютуқни қўлга кирит”

Олдин хабар берганимиздек, жаҳон чемпионати гуруҳ босқичи иккинчи тур доирасида Аргентина терма жамоаси Хорватия терма жамоасига 0:3 ҳисобида ютқазиб, плей-оффга чиқиш масалани мураккаблаштириб қўйди.

Аргентина футболининг тирик афсонаси Диего Марадона мамлакати бош жамоасининг ушбу мағлубиятидан қаттиқ ранжиган кўринади кескин фикрларни билдирди.

“Лодрич (Лука Модрич — Хорватия терма жамоаси сардори) жуда зўр ўйнади. Қани эди Аргентина таркибида шундай футболчилар бўлса. Бизнинг етакчиларимиз — ношудлар. Мессида етакчилик қобилияти йўқ, у эчки билан сурат тушибди — олдин бирор ютуқни қўлга кирит”, — деб ёзган Марадона твиттердаги саҳифасида.

Диего Марадона Аргентина — Хорватия баҳсини бевосита стадиондан кузатиб борган эди. «Замин»ни Telegram’да ўқинг!